Vinstri Græningjar um atvinnusköpun - stangveiðar vaxandi atvinnugrein!!

 

Lesið vel eftirfarandi samtalsbút úr Ísland í dag, 28. mars s.l., þar sem Jón Bjarnason getur ekki nefnt eitt einasta mál til atvinnusköpunar nema stangeiðar, í umræðuþætti í Norðvesturkjördæmi.  Þetta er ekki boðlegt íslenskri þjóð að kjósa yfir slíka hneisu.  Takið eftir innskoti Magnúsar Stefánssonar, þetta er nákvæmlega hvað stefna Vinstri Græningja gengur út á!

 

 

Ísland í dag 28. mars 2007

Kosningar - Norðvesturkjördæmi.

 

Umsjónarmenn: Sigmundur Ernir Rúnarsson, Svanhildur Hólm Valsdóttir, Steingrímur Sævarr Ólafsson, Inga Lind Karlsdóttir og Egill Helgason.

Gestir: Magnús Stefánsson (B), Jón Bjarnason (Vg), Sturla Böðvarsson (D),

Guðbjartur Hannesson (S), Guðjón Arnar Kristjánsson (F).

[...

Sigmundur:       Jón Bjarnason, Vestfirðir voru kallaðir stóriðjulausa landssvæðið og umhverfisverndarsinnar voru mjög hrifnir af því, buðust til að koma með fullt af hugmyndum í staðinn til að spýta inn krafti í þetta sveitarfélag. Hingað til hafa hugmyndirnar verið núll. Hvar eru þessar hugmyndir?

 

Jón:                  Sko, nú sitjum við uppi með þessari ríkisstjórn og ég held að, ég er nú nýkominn af Vestfjörðum og ég held að Vestfirðingar þeir vilji nú segja stopp á þessa ríkisstjórn og losa sig við hana.

 

Sigmundur:       Hvar eru þessar hugmyndir?

 

Jón:                  Þær eru til, náttúra Vestfjarða er til áfram en við sitjum uppi með ríkisstjórn.

 

Sigmundur:       Er það stóra innspýtingin?

 

Jón:                  Við sitjum uppi með ríkisstjórn...

 

Svanhildur:        En hvernig skapar ..... störf?

 

Jón:                  ... sem rekur atvinnustefnu sem er Vestfirðingum mjög óhagstæð, vegakerfi...

 

Sigmundur:       Jón, hvar eru hugmyndirnar?

 

Jón:                  ... flutningskostnaðurinn...

 

Magnús?          Hvað myndir þú gera Jón?

 

Jón:                  Ég nefni loforð Framsóknarmanna um lækkun flutningskostnaðar...

 

Sigmundur:       Hvar eru hugmyndirnar?

 

Jón:                  Það verður að jafna samkeppnisstöðu Vestfjarða eins og annarra byggðarlaga og það hefur þessi ríkisstjórn ekki gert. Ég..

 

Svanhildur:        Nei, en hvernig myndir þú vilja gera það Jón?

 

Jón:                  ..ég myndi vilja stórauka vegaframkvæmdir á Vestfjörðum. Ég myndi vilja jafna flutningskostnaðinn. Ég myndi vilja taka upp...

 

Sigmundur:       Hvar eru atvinnutækifærin í héraðinu?

 

Jón:                  ...strandsiglingar. Einmitt, þegar þú hefur jafna samkeppnisstöðu fyrirtækjanna, atvinnulífsins, búsetunnar, fólksins þá byggist atvinnan upp. En núna, aðgerðir þessarar ríkisstjórnar hafa í rauninni barið niður samkeppnisstöðu þessarar byggðar og þess vegna...

 

Magnús?:          Þetta er blanko atvinnustefna.

 

Jón:                  ... er einmitt fólksfækkun um 20% á hvað, um 10 árum. Ekki getur það verið eitthvað til að hæla sér af. Þannig að það er þessi stefna þessarar ríkisstjórnar sem er Vestfirðingum, Norðvesturkjördæminu mjög andstætt og skapar þessa miklu andstæður sem eru í kjördæminu.

 

Sigmundur:       En örstutt bara, af hverju hefur engin hugmynd komið frá umhverfissinnum sem svar við því að Vestfirðir skuli vera stóriðju.....

 

Jón:                  Hún hefur komið. Meðal annars líka frá Fjórðungssambandi Vestfjarða sem hefur lýst þessu yfir sem stefnu sinni og ber að vinna að því en áherslur ríkisstjórnarinnar eru aðrar. Við tökum Látrabjarg, við tökum friðlandið í Hornströndum, við skulum taka veiðar, stangveiðar eða veiðar á fiski meðfram ströndum Vestfjarða sem er núna vaxandi atvinnugrein.

 

Sigmundur:       Eru þetta störf fyrir hundruð manna?

 

Jón:                  Það munar um hvert starf sem kemur.

 

Sigmundur:       Gott og vel. Gott og vel.

... ]

 

 

Athugasemdir

[Sigfús Sigurþórsson., 2.4.2007 kl. 14:07]

Hér eru orð óþörf, það vita þetta allir, maður bara skilur ekki af hverju einhver vill fara 100 ár aftur í tíman, og búa til atvinnuleysi viljandi.

[Björg F (IP-tala skráð) 2.4.2007 kl. 14:14]

Smá ábending til Agnesar...

Þeir heita Vinstri Grænir..

[Gestur Guðjónsson, 2.4.2007 kl. 15:50]

Þetta er makalaust. Þetta er maðurinn sem sögur herma að vilji verða landbúnaðarráðherra í ríkisstjórn VG og Sjálfstæðisflokks!!!